. Si mund të ndihmojë mënyra e thjeshtë e meditimit që të përballemi me stresin në kohën e pandemisë – Flaka Plus

Si mund të ndihmojë mënyra e thjeshtë e meditimit që të përballemi me stresin në kohën e pandemisë

Njerëzit brengosen për shëndetin dhe ndiheni në ankth për shkak të ciklit të pandërprerë të lajmeve të këqija

Mirëpo, stresi psikologjik mund të dobësojë shëndetin tuaj të përgjithshëm, theksojnë ekspertët. Gjithashtu, stresi mund të pengojë imunitetin e fuqishëm i cili ju nevojitet që të mos sëmureni, shkruan CNN, përcjell Telegrafi.

Një ndër mënyrat më të lehta për zvogëlimin e stresit është funksionimi i thjeshtë i kujdesit për frymëmarrjen, duke pasur parasysh që ajo është formë e meditimit për fillestarët në nivelin të cilin çdokush mund ta bëjë.

Ithtari i mjekësisë alternative, doktor Deepak Chopra, ka zbuluar disa mënyra si të ushtrohet meditimi i frymëmarrjes në mënyrë që të zbusim stresin dhe të qetësojmë mendjen tonë.

Sipas shkollës mjekësore të Harvardit, për meditimin e frymëmarrjes është e nevojshme ose të uleni dhe të ndiheni rehat, të qëndroni apo të ecni në ambient me pengesa minimale.

Shumica më me dëshirë ulen. Nëse qëndroni ulur, më parë fokusohuni në qëndrimin e drejtë. Derisa bëheni të vetëdijshëm për hapësirën në të cilën gjendeni dhe uleni rehat, merrni frymë thellë disa sekonda, propozon Chopra.

Pastaj, ngadalësoni frymëmarrjen, duke marrë frymë thellë duke numëruar deri në gjashtë. Bëni pauzë dy sekonda. Nxirrni frymën deri sa të numëroni në katër. Pastaj përsëriteni këtë metodë gjashtë-dy-katër të frymëmarrjes dy minuta.

“Qëllimi është vërtet të merrni frymë nga diafragma, për dallim nga frymëmarrja e cekët nga gjoksi”, ka thënë Vaile Wrihg, psikologe dhe drejtoreshë klinike e hulumtimit dhe cilësisë pranë Shoqatës Amerikane të Psikologjisë.

“Truku që të mësoni a po e bëni këtë veprim drejt apo jo është që t’i vendosni duart mu afër brinjëve në stomak. Kur të merrni frymë do të duhej të ndienit se si ju zgjerohet trupi, pastaj përkuluni kur merrni frymë. Nëse qetësia e parë ju ndërpret mendimet tuaja, meditimi nuk është dështim”, ka shpjeguar Wright.

Qëllimi i meditimit është që të largohet vëmendja nga mendimet brengosëse të cilat i keni apo disa lloje të mendimeve, mendimeve katastrofike apo depresive mbi ndjenjën e vetmisë.

Kur të fokusoheni, ato mendime mundeni t’i largoni anash dhe t’i kontrolloni emocionet tuaja. /Telegrafi/